ما عشت انا عيشة سلاطين

(( الله خلقني حر ))

الله خلقني حر ماني بمملوك

ولا على خدي وسم لأي مخلوق

ما عشت أنا عيشة سلاطين وملوك

لكن ما أناظر تحت أنا دايم فوق

عن الذي ظنه بخلق الله شكوك

قليل فهم ومبعدٍ عنه الذوق

مغتر على لا شي وش أنت؟ صعلوك!

من هون قدرك ما يجي فيه منطوق

اكبر دليل الناس راحوا وخلوك

حيث العيوب الهينة فيك مطفوق

ما أنت بكفو تاصل مواصيل من جوك

وإلا تقيّم شي قالوه بطروق

توّك على شي أنا قلت محبوك

ما تدرك لمعناه لو كنت مرموق

تقصر حبالك عنه لو تملك صكوك

حتى حروف اسمك تهجاه في عوق

كل الذي يمشون وإياك غرّوك

وكل المصالح تنتهي لانتهى السوق